Тридневна екскурзија 2019

Вто, 08/10/2019
На 08.10.2019 започна со реализација тридневната екскурзија со учениците од IX одделение низ Западна Македонија.
Прва знаменитост која се посети беше паркот на револуцијата Могила во Прилеп.
Учениците потоа ја посетија и спомен-куќата на македонската музичка икона, Тоше Проески, и неговото вечно почивалиште.
Трета дестинација за посета беше Битола, каде учениците имаа можност за прошетка по Широк Сокак.
По исполнетиот прв ден, учениците, заедно со своите класни раководители, Биљана Арсова и Јасмина Јездиќ, како и дефектолог Ана Тасевска, се сместија во хотелот ,,Конгресен центар" во Охрид.