Месецот на книгата

Месецот на книгата 15.10 - 15.11.2023 беше посветен  на убавините на книгите и читањето. Се промовираа македонскиот збор, слово и книга преку најновите изданија - дела од македонски искусни писатели како и дела на млади автори во подем.

Учениците интензивно се натпреваруваа во читање. Ги откриваа моќта и волшебноста на уметничкиот израз во книгите но и  книгата како извор на знаења. Се запознаа со техниките на читањето и учењето, со историското и општествено значење на книгата за промоција на македонската култура кај нас и во светот.

Се запознаа со институциите кои се грижат за книгите и читателите, со издавачите и библиотеките и нивните здруженија. Учениците со задоволство читаа, откриваа нови убавини и мудрости, твореа  инспирирани од книгите.